A MAN'S A MAN FOR A' THAT

Discussion in 'Poetry and Words of Wisdom' started by Lightlife, Oct 27, 2018.

Tags:
  1. Lightlife

    Lightlife Site Benefactor Premium Member

    57
    51
    88
    A MAN'S A MAN FOR A' THAT
    By Brother Robert Burns

    Is there for honest poverty
    That hings his head, an' a' that?
    The coward slave, we pass him by -
    We dare be poor for a' that!
    For a' that, an' a' that,
    Our toils obscure, an' a' that,
    The rank is but the guinea's stamp,
    The man's the gowd for a' that.


    Wear hoddin grey, an' a' that?
    Gie fools their silks, and knaves their wine -
    A man's a man for a' that.
    For a that, an' a' that,
    Their tinsel show, an' a' that,
    The honest man, tho' e'er sae poor,
    Is king o' men for a' that.


    Ye see yon birkie ca'd 'a lord',
    Wha struts, an' stares, an' a' that?
    Tho' hundreds worship at his word,
    He's but a cuif for a' that.
    For a' that, an' a' that,
    His ribband, star, an' a' that,
    The man o' independent mind,
    He looks an' laughs at a' that.


    A prince can mak a belted knight,
    A marquis, duke, an' a' that!
    But an honest man's aboon his might -
    Guid faith, he mauna fa' that!
    For a' that, an' a' that,
    Their dignities, an' a' that,
    The pith o' sense an' pride o' worth
    Are higher rank than a' that.


    Then let us pray that come it may
    (As come it will for a' that)
    That Sense and Worth o'er a' the earth
    Shall bear the gree an' a' that!
    For a' that, an a' that,
    It's coming yet for a' that,
    That man to man the world o'er
    Shall brithers be for a' that.
     
    Bloke, Warrior1256 and Unique3rdEye like this.
  2. Warrior1256

    Warrior1256 Site Benefactor

    6,745
    2,931
    183
    Good one!
     
    Lightlife likes this.

Share My Freemasonry