My Freemasonry | Freemason Information and Discussion Forum

Register a free account today to become a member! Once signed in, you'll be able to participate on this site by adding your own topics and posts, as well as connect with other members through your own private inbox!

A MAN'S A MAN FOR A' THAT

Lightlife

Site Benefactor
Premium Member
A MAN'S A MAN FOR A' THAT
By Brother Robert Burns

Is there for honest poverty
That hings his head, an' a' that?
The coward slave, we pass him by -
We dare be poor for a' that!
For a' that, an' a' that,
Our toils obscure, an' a' that,
The rank is but the guinea's stamp,
The man's the gowd for a' that.


Wear hoddin grey, an' a' that?
Gie fools their silks, and knaves their wine -
A man's a man for a' that.
For a that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.


Ye see yon birkie ca'd 'a lord',
Wha struts, an' stares, an' a' that?
Tho' hundreds worship at his word,
He's but a cuif for a' that.
For a' that, an' a' that,
His ribband, star, an' a' that,
The man o' independent mind,
He looks an' laughs at a' that.


A prince can mak a belted knight,
A marquis, duke, an' a' that!
But an honest man's aboon his might -
Guid faith, he mauna fa' that!
For a' that, an' a' that,
Their dignities, an' a' that,
The pith o' sense an' pride o' worth
Are higher rank than a' that.


Then let us pray that come it may
(As come it will for a' that)
That Sense and Worth o'er a' the earth
Shall bear the gree an' a' that!
For a' that, an a' that,
It's coming yet for a' that,
That man to man the world o'er
Shall brithers be for a' that.
 
Top